వంట వ్యవధి

మనం ముందుగానే అరిసెల పాకం చేసుకుని రెడీగా పెట్టుకుంటే మనం కావాలనప్పుడల్ల చేసుకోవచ్చు.రెడీగావున్న పాకంతో అరిసెలు ఒక 20 నిముషాలలో చేసుకోవచ్చు.

కాంబినేషన్

అరిసెలకు కాంబినేషను అంటు ఏమీలేదు.పాకాన్ని ఆయిల్లొ డీఫ్రై చేసుకున్నక డైరెక్ట్గా తినొచ్చు.కావాలనుకుంటే తినేటప్పుడు గట్టినెయ్యి వేసుకొని తినొచ్చు.

ఖ్యాతి పొందిన ప్రదేశాలు:
ఆంధ్రప్రదేశ్ ,కర్ణాటక,కేరళ,తమిళనాడు,ఒడిస్స,మహారాష్ట్ర

ఈ అరిసెలను మనభారతదేశంలో ఎక్కువగా చేసుకుంటారు.అందులోను తెలుగురాష్ట్రాల్లో  అయినటువంటి ఆంధ్రప్రదేశ్&తెలంగాణలలో ఎక్కువగా చేస్తారు.అలానే తమిళనాడులో ఇంకా మహారాష్ట్ర,ఒడిస్స, కేరళలో కూడా చేసుకుంటారు.

ఇతరపేర్లు:

అరిసెలు

అరిస

అత్తరసాలు

సందర్భం

ఈ అరిసెలను రెగులర్ గా ఏమి చేసుకోరు.ఎక్కువగా పండుగలకు లేదా కొన్ని శుభకార్యాలకోసం చేసుకుంటారు.ఇంకా పిల్లలకు అప్పుడప్పుడు స్నాక్స్ గాకూడా చేస్తారు.

ఎప్పుడు తినాలి

ఈ అరిసెలు ఎక్కువగా సాయంకాలం తినడానికి ఇష్టపడతారు పిల్లలు ఎందుకంటే స్కూల్స్ నుండి వచ్చి తినడానికి ఇష్టపడతారు. పెద్దలు అయితే మధ్యాహ్నం భోజనానికి ముందు ఈ అరిసెలుతిని అన్నం తినడానికి ఇష్టపడతారు.

నిల్వ ఉండు కాలం
15-20 రోజులు

ఈ అరిసెలు చేసుకున్నాక 15 నుండి 20 రోజులు వరకు ఉంటాయి.ఇంకా ఈ అరిసెల పాకం చేసి పెట్టుకుంటే ఒక 5 నుండి 6 నెలలు ఉంటుంది.

ఏ వయస్సు వాళ్ళు తినవచ్చు
అన్ని వయస్సు వాళ్ళు తినొచ్చు

ఈ వంటను అన్ని వయస్సు వాళ్ళు కూడా తినొచ్చు.2 సంవత్సరాల పిల్లల నుండి అన్నివయస్సువాళ్ళు తినొచ్చు.సంవత్సరం

 వయస్సులోపు పిల్లలు కూడా తినొచ్చు కాని ఎక్కువ తినకూడదు. కడుపు నొప్పి వచ్చే అవకాశం ఉంటుంది.

కేలరీలు

 కేలరీలు 103 kcal, కర్బ్స్ 14 g, ప్రొటీన్ 1 g, సొడియం 5 g.

కావలసిన పదార్ధాలు

1000గ్రాములు  అంటే 1 kg  బియ్యం

750 గ్రాములు బెల్లం

90 నుండి 100ml నీళ్ళు సుమారుగా

1 tsp ఏలకుల పొడి

2 లేదా 3 tbsp నువ్వులు

1 కప్పు నెయ్యి

నూనె డీప్ ఫ్రై కి

తయారీ విధానం 

ముందుగా అరిసెలు చెయాడానికి కొన్ని జాగ్రతలు అలానే ముందు రోజు చేసుకునే కొన్ని పనులు కూడా ఉంటాయి.

  • బియ్యాన్ని రాత్రంతా లేదా ఒకరోజు మొత్తం నానబెట్టాలి.
  • అందులోను ఈ అరిసెలకు రేషన్ బియ్యంతో చేసుకుంటే చాలా బాగా వస్తాయి.
  • ఉదయాన్నే శుభ్రంగా రెండు మూడు సార్లు కడిగి జల్లెడలో గాని రంధ్రాల గిన్నెలోగాని  వేసి నీళ్ళు మొత్తం పూర్తిగా కారిపోయే వరకు ఉంచాలి.
  • బియ్యాన్ని కొద్ది కొద్దిగా చిన్న మిక్సీ జార్ లో గాని లేదా ఇప్పుడు చాలా అరిసెల పిండిమిల్లులు కూడా అందుబాటులో ఉన్నాయి వాటిలోనైనా గానివేసి బాగా మెత్తగా పొడి కొట్టి పక్కన పెట్టుకోవాలి.
  • అంటే పిండిని తేమ ఉండెట్టు చూసుకోవాలి దానికోసం పిండిని ఒక  తడి బట్టలో  వేసుకోవాలి.
  • బెల్లం పాకం తయారీకొసం
  • ఓకే గిన్నెలో బెల్లం తరుము వేసి పొయ్యి మీద ఉంచాలి.
  • 90నుండి 100 ml నీళ్ళు పోసి బెల్లాన్ని కరిగించాలి.
  • ఇప్పుడు కరిగిన బెల్లం నీళ్ళను హై ఫ్లేమ్ మీద ఉంచి బుడగలు వచ్చే వరకు లేదా మరగడం మొదలయ్యే వరకు కాయాలి.
  • పాకం మరీముదురు కాకుండా మరీలేతది కాకుండా చూసుకోవాలి.
  • ఒక సారి మరగడం మొదలవ గానే పాకాన్ని అడుగంటకుండా తిప్పుతూ ఉండాలి.
  • ఒక చిన్న గిన్నెలో నీళ్ళు తీసుకొని అందులో పాకం వేస్తే అది కరిగి పోకుండా అలానే ఉన్నా లేదా వేళ్ళతో దగ్గరగా అన్నప్పుడు ఉండలా తయారయినా పాకం సరిగ్గా తయారయినట్లు లెక్క.
  • ఇప్పుడు స్టవ్ ను సిమ్ లోకి తిప్పి, నెయ్యి మరియు ఏలకుల పొడి వేసి బాగా కలిపి స్టవ్ కట్టేసి పాకాన్ని పక్కన పెట్టుకోవాలి
  • ఇప్పుడు పాకంలొకి పిండిని వేసుకుని అరిసెలపిండిని తయారు చేసుకుందాం.
  • పాకం తయారు చేసిన గిన్నె మీద ఒకపిండి జల్లెడ ఉంచి అందులో నుండి బియ్యం పిండిని కొద్ది కొద్దిగా వేస్తూ జల్లించి పిండిని కలుపుతుండాలి.
  • అలా అది చపాతీ పిండిలా గట్టిగా తయారయ్యే వరకు బియ్యం పిండి వేసి కలుపుతూ ఉండాలి.
  • ముందు జాగ్రత్తగా బియ్యం పిండిని కొంచెం ఎక్కువగానే ప్రెపర్ చేసుకొని ఉంచుకోవాలి.
  • ఇలా చేసుకున్న ఈఅరిసెల పాకాన్ని కొంచెంసేపు చల్లార్చుకోవాలి.
  • ఇప్పుడు వీటిని వెంటనేగాని లేదా ఫ్రీజర్లొ స్టోరేజ్ చేసుకుని ఎప్పుడు కావాలంటే అప్పుడు ఆయిల్ లో డీఫ్రై చేసుకొవచ్చు.
  • చిన్నమంట మీద నూనెని వేడి చేయాలి.
  • ఈలోపు అరిసెలు చేసుకొవడానికి ఒకచెక్క పీటను తీసుకొని  దాని మీద ప్లాస్టిక్ కవర్పెట్టి చేతి వేళ్ళకి ఇంకా ఆ ప్లాస్టిక్ షీట్ కి నెయ్యి రాయాలి.
  • చేతి నిండా అరిసెల పిండిని తీసుకొని గుండ్రంగా కొన్ని ఉండలు చేసుకోవాలి .
  • ఇప్పుడు దానిని ప్లాస్టిక్ పేపర్ మీద పెట్టి చక్కగా గుండ్రంగా కింద పెట్టుకున్న చెక్కపీట మీద అరిసెలు ఒత్తుకోవాలి.
  • నువ్వుల అరిసెల కోసం పిండిని తట్టే ముందు ఉండలకు నువ్వులను అద్ది అప్పుడు తట్టాలి.
  • ఒకవేళ తట్టడం రాకపోతే ఇప్పుడు ఒత్తుకునే మిషన్లు చాలానే అందుబాటులోకి వచ్చాయి వాటిలోనైనా చేసుకోవచ్చు.
  • అలా తట్టిన అరిసెలను మెల్లగా నూనెలోకి వదలాలి.నూనెలో వేయగానే అరిసెలు మునిగిపోతాయి కాబట్టి అవి పైకి తేలే వరకు కదపకుండా ఆగాలి.
  • పైకి తేలాక ఒక నిమిషం ఆగి అప్పుడు మెల్లగా రెండో వైపుకి తిప్పాలి. రెండు వైపులా తిప్పుతూ సమంగా బంగారు రంగులోకి మారే వరకు వేయించాలి.
  • గ్యాస్ మంట మాత్రం పెద్దగా పెట్టుకోకూడదు.
  • అలా  అరిసెలు  కలర్  వస్తాయి కాని లోపలంతా పచ్చిపచ్చిగా అలానే ఉంటుంది కాబట్టి చిన్నమంట మీదనే అరిసెలు  వేయించుంచుకోవాలి.
  • నూనెలో నుండి బయటకి తీశాక నూనెతో ఇష్టపడి తినేవాళ్లు అలానే తినొచ్చు ఆయిల్ వద్దు అనుకుంటే అరిసను రెండు గరిటెల మధ్యన ఉంచి నూనంతా కారిపోయే వరకు గట్టిగా నొక్కాలి.
  • ఇప్పుడు వీటిని వెంటనే డబ్బాలో స్టోర్ చేసుకోకూడదు బాగా చల్లారిన తరువాత డబ్బాలో వేసుకోవాలి.
  • ఇంకా మీకు ఎండుగడ్డి అందుబాటులో ఉంటే వేయించి ఆయిల్ తీసిపెట్టుకున్న అరిసెలను కొంచెంసేపు గడ్డి మీద పెట్టుకుంటే కూడా సరిపోతుంది.
  • ఇప్పటికి పల్లెటూళ్లలో చాలామంది తయారుచేసి పెట్టుకున్న అరిసెలను కొంచెంసేపు గడ్డి మీద చల్లార్చుకొని తరువాత డబ్బాలో పెట్టుకుంటారు.

ఆరోగ్య ప్రయోజనాలు

అరిసెలలో మనం ముఖ్యంగా వేసుకునే ఐటైం బెల్లం.ఈ బెల్లం తినడం వలన చాలా ప్రయోజనాలు ఉన్నాయి. మనకు నిద్ర బాగా రావాలంటే రోజు కొంచెం బెల్లం కాని లేదా బెల్లంతో చేసినా వంటలు గాని తింటే నిద్ర బాగా వస్తుంది.బెల్లం (Jaggery)ఒక తియ్యటి ఆహార పదార్థం. దీనిని సాధారణంగా చెరకు నుండి తయారు చేస్తారు. సాదారణంగా చెరకు రసము నుండి కొలాసిస్ ను భయటికి తీసి బెల్లము తయారు చేస్తారు . ఇది సాధారణంగా ప్రతిఒక్కరు ఉపయోగించే రకము. తాటికల్లు, ఈతకల్లు, నుండి కూడా బెల్లము తయారుచేస్తారు.స్వీట్స్ తయారీవిధానంలో చాలా మంది బెల్లాన్నె ఉపయోగిస్తారు.అలా అయితే మధుమేహం సమస్య ఉన్నవాళ్లు కూడా కొంచెం తింటారు.

New Recipes

The best food lovers across globe speak about their favourite and delicious recipes here, you can consider exploring them and give a try and surprise your family.

Explore Recipes

Speak about Your Favourite Recipe & win exiting Gifts

Let the world know about your favourite recipe! You can now speak about your favourite recipe to the world, making more people reach your recipe and helping them to start preparing your recipe is our responsibility.