తయారీ విధానం:-

1. ఒక కడాయి లో లవంగాలు, దాల్చిన చెక్క, ఎండుమిర్చి, బిర్యానీ ఆకు,యాలకులు, జీలకర్ర,మిరియాలు,సోంపు ఇవన్నీ విడివిడిగా ఒకదాని తరువాత ఒకటి డ్రై రోస్ట్ చేసుకుని చల్లారే వరకు పక్కన పెట్టుకోవాలి

2. ఇపుడు అదే కడాయి లో ఉల్లిపాయ ముక్కలు వేసి వేయించి చల్లారిన తరువాత పైన ఉన్న మాసాల మిశ్రమం, కొబ్బరితురుము, ధనియాల పొడి,కొత్తిమీర తురుము ఇవన్నీ  మిక్సీ జార్ లో వేసి పేస్ట్ చేసుకుని పక్కన పెట్టుకోవాలి

3. అలాగే మటన్ ముక్కల్ని పసుపు, ఉప్పు వేసి శుభ్రంగా కడిగి అందులో తగినన్ని నీళ్లు పోసి,జీలకర్ర, ఉప్పు వేసి 4 నుండి 5 విజిల్స్ వచ్చేవరకు ఉడికించుకోవాలి.

4. విజిల్ చల్లారిన తరువాత మూత తీసి మటన్ ని ఉడికించిన నీళ్లను తీసి వేరే బౌల్ లో పెట్టుకోవాలి

5. ఇపుడు ఒక కడాయి లో నూనె వేసి కాగిన తరువాత ఉల్లిపాయ ముక్కలు వేసి వేయించాలి.

6. అవి వేగిన తరువాత అల్లంవెల్లుల్లి ముద్ద వేసి పచ్చి వాసన పోయే వరకు వేగించాలి

7. ఇపుడు ఉడికించిన మటన్ ముక్కల్ని వేసి బాగా కలిపి 5 నుండి 6 నిమిషాలు ఉడికించాలి

8. తరువాత ఉప్పు,పసుపు,టమాటో ముక్కలు,కరివేపాకు వేసి బాగా కలిపి 5 నిమిషాలు ఉడకనివ్వాలి

9. ఇపుడు ముందుగా తయారు చేసుకున్న మసాల ముద్ద ని ,మటన్ ఉడికించిన నీళ్ల ని వేసి కలిపి మరో పది నిమిషాలు ఉడికించి దించేయాలి.

10. తరువాత కొత్తిమీర తో గార్నిష్ చేసుకుంటే ఎంతో రుచికరమైన రాయలసీమ మటన్ మసాల రెడీ అవుతుంది

11. ఇష్టం ఉన్న వాళ్ళు నిమ్మరసం కూడా పిండుకోవచ్చు.

12. పచ్చి కొబ్బరి కానీ ఎండు కొబ్బరి కానీ ఏదయినా వేసుకోవచ్చు. మీకు ఏది అందుబాటులో అది వేసుకోండి. తప్పకుండా ప్రయత్నించండి. చాలా బాగుంటుంది.