తయారీ విధానం

ముందుగా బాస్మతి బియ్యాన్ని 2నుండి3 సార్లు బాగా శుభ్రంగా కడిగి ఒకారగంట నాననివ్వండి

• ఉల్లిపాయలను సన్నగా పొడవుగా కట్ చేసుకోవాలి.
• డీప్ ఫ్రై కి సరిపడా నూనె పెట్టుకుని, ఉల్లిపాయ ముక్కల్ని అందులో వేసి లేత గోధుమరంగులోకి మారేవరకు వేయించాలి.
• బయటకు తీసేటప్పుడు గరిటెతో నూనె ను గట్టిగా వత్తేసి పక్కన పెట్టుకోవాలి.అలా చేస్తే వేయించిన ఉల్లిపాయలు కర కర లాడతాయి.
• మరాఠీ మొగ్గలు, జాపత్రి, అనాస పువ్వు ,దాల్చినచెక్క, లవంగాలు, యాలుకలు, షాజీరా, జాజికాయ, అనాసపువ్వు, బిర్యానీ ఆకు,అన్నింటిని మిక్సీలో వేసి పొడి చేసుకొని పక్కన పెట్టుకోవాలి.
• 500 గ్రాముల చికెన్ కొరకు 1  నుండి 2 టేబుల్ స్పూన్లుల మనం ప్రిపేర్ చేసిపెట్టుకున్న బిర్యానీ మసాలా వేసుకుంటే సరిపోతుంది.
• బిర్యానికి ముందుగానే అన్నాన్ని అన్ని మసాల దినుసులనువేసి 80% ఉడికించి పక్కన పెట్టుకోవాలి. 
• అందుకోసం ఒక మందపాటి గిన్నెలో నీళ్ళు పోసి, అందులో తగినంత ఉప్పు, అన్ని మసాలా దినుసులు, కొద్దిగా పుదీనా ఆకులు, బిర్యానీ ఆకు వేసి మరిగించాలి.
• నీళ్ళు మరగడం మొదలవగానే అందులో నానబెట్టిన బియ్యం వేయాలి.బియ్యం వేయగానే నీరు మరగడం ఆగిపోతుంది.అప్పుడు మళ్ళీ మరిగించాలి.
• మళ్ళీ మరగడం మొదలైన దగ్గర నుండి సరిగ్గా 3 నిమిషాలు ఉడికించి స్టవ్ కట్టేసి వెంటనే నీళ్ళు వంచేయాలి .
• అలానే బిర్యాని చేసుకోవడానికి ముందుగానే కొన్ని ప్రిపరేషన్ చేసుకోవాలి.
•  అందుకోసం చికెన్కు కొన్ని మసాలాలు పట్టించి మారినెశన్ చేసుకోవాలి.
• శుభ్రంగా కడిగిన చికెన్ ముక్కలను ఒక పాత్రలోకి తీసుకొని అందులో తగినంత ఉప్పు, కారం, పసుపు, 2 tsp బిర్యానీ మసాలా, అల్లం వెల్లుల్లి ముద్ద, నిమ్మ రసం, పెరుగు, పచ్చిమిర్చి పుదీనాఆకులుపేస్ట్, వేసిబాగా ముక్కలకు పట్టేలా కలపాలి.
• చికెన్ ముక్కలను ఈమసాలాల్లొ కనీసం 1 నుండి 2 గంటల పాటు నాననివ్వాలి.
• అలా అయితే చికెన్ ముక్కలకు మసాలాలు బాగా పట్టి ఫ్లెవర్ బాగా వస్తుంది.
• ఇవన్ని ప్రిపరేషన్ అయినా తరువాత ఇప్పుడు బిర్యాని ఎలా తయారు చేసుకోవాలి చూద్దాం. 
• బిర్యానీ పాత్ర అంచులకు నూనె రాసి, 4నుండి 5 టేబుల్ స్పూన్లుల కాచిన నూనె, 2 టేబుల్ స్పూన్లుల నెయ్యి వేయాలి.
• అందులో నానబెట్టిన చికెన్ కొంచెం వేసి సమానంగా స్ప్రెడ్చెసి కొద్దిగా హిట్అయ్యాక  పైన సగం ఉడికించిన అన్నం వేయాలి.
• ఇప్పుడు అన్నం పైన కొన్ని పుదీనా ఆకులు, వేయించిన ఉల్లిపాయలు వేయాలి.
• ఇప్పుడు మరి అలాగే అన్నం మీద మిగిలిన చికెన్వేసుకుని దానిమీద అన్నాన్ని , అన్నంపైన పుదీనా ఆకులు, ఫ్రైడ్ ఆనియన్స్ వేసుకొని ఈక్వల్గా స్ప్రెడ్ చేసుకోవాలి.
•  ఇప్పుడు అల్ల్యుమినియం ఫాయిల్థొగాని తడిబట్టతోగాని బిర్యానీ పాత్రని సరిగ్గా గాలిపోకుండా కవర్ చేసుకోవాలి.
• అలానే పైన మూత పెట్టి, ఏదైనా బరువు పెట్టాలి.
• 10 నుండి 15 నిమిషాల పాటు పెద్ద మంట మీద ఉడికించి 5 నిమిషాలు సన్నని సెగ మీద ఉడికించాలి.
• స్టవ్ కట్టేసి కాసేపు మూత తెరవకుండా వదిలేసి తర్వాత మూతతీయాలి.
• ఇప్పుడు చాలా జాగ్రత్తగా బిర్యానిని కదపాలి.
• లేకుంటే అన్నం విరిగిపొయే అవకాశం ఉంటుంది. 
• ముక్కలు అన్నాన్ని Mix చేసుకున్నకా వేడివేడి చికెన్ బిర్యాని సెర్వ్ చేసుకోవడానికి రెడీ.