తయారీ విధానం :-

1. ముందుగా చేప ముక్కలకి కొంచెం ఉప్పు, పసుపు వేసి కడిగిన  తరువాత పసుపు, ఉప్పు కొంచెం వేసి కలిపి పట్టించి కాసేపు పక్కన పెట్టుకోవాలి
2. చింతపండుని గంట ముందే గోరు వెచ్చటి నీటిలో నానబెట్టి రసం పిండి పక్కన ఉంచుకోవాలి.
3. ఉల్లిపాయలను తరిగి పెట్టుకోవాలి
4. ఇప్పుడు ఒక కడాయి లో నూనె వేసి కాగిన తరువాత ఉల్లిపాయలను వేసి గోల్డెన్ బ్రౌన్ వచ్చాక అల్లంవెల్లుల్లి పేస్ట్ వేసి పచ్చి వాసన పోయే వరకు వేయించాలి
5. తరువాత పచ్చిమిర్చి,ఉప్పు, పసుపు, కారం వేసి కలిపి 2 నిమిషాలు మగ్గించాలి
6. ఇపుడు అందులో చింతపండు రసం ,పులుసు కి తగినన్ని నీళ్లు పోసి కొత్తిమీర, కరివేపాకు వేసి కలిపి 2 పొంగులు వచ్చే వరకు ఉడికించాలి
7. తరువాత చేప ముక్కలు వేసి ఒకసారి కలిపి మీడియం మంట మీద 15 నుండి 20 నిమిషాలు ఉడికించుకోవాలి.
8. మధ్యమధ్యలో మూత తీసి చూసుకుంటూ నీళ్లు అవసరం అనుకుంటే కొన్ని పోసుకుని కలిపి ఉడికించుకోవాలి
9. ఎక్కువగా చేపలను కలపకూడదు. అలా కలిపితే చేప ముక్కలు విరిగి పోతాయి
10. చిన్న ఫోర్క్ తో టెస్ట్ చేసుకోవాలి ఉడికాయ లేదా అని
11. ఒకవేళ ఉడికితే స్టవ్ ఆఫ్ చేసి కొత్తిమీర చల్లి సర్వ్ చేసుకోవడమే.
12. ఎంతో రుచికరమైన టేస్టీ టేస్టీ ఆంధ్రా చేపల పులుసు రెడీ 

మీకు గ్రేవీ టైప్ లో కావాలంటే టమాటో ప్యూరీ ని కూడా వేసుకోవచ్చు. పులుసులో, కాల్చిన ఉల్లిపాయలు పేస్ట్ చేసి వేసుకుంటే రుచి అదిరిపోతుంది. తప్పకుండా ప్రయత్నిచండి.